Geschicht

Statistiken →

Méi wéi ee Joerhonnert Fussball zu Miersch: déi wichtegst Datume vum Club, seng Presidenten an al Fotoen.

An Zuelen

  • 118 Joer Geschicht
  • 96 Championnatssaisonen
  • 7 Divisiounstitelen
  • 1 Saison an der Nationaldivisioun
  • 146 Coupesmatcher
  • 2 Coupesfinallen
  • 12 Gruppe gewonnen vun der Jugend zënter 2021

Wichteg Datumen

  1. Grënnung vum FC Marisca

    Pängschtdënschdeg 1908 grënnen jonk Mierscher de Club an der Scheier vun der Famill Schwartz: Hari Schwartz, Jos Teisen, Gy Faber, Nicolas Weyer, Pierre Nilles, Gaston Frisch, Vic Rouster, Will Thewes, Poppy Weber, Léon Duscherer, Nicolas Hirtziger a Franz Faber.

  2. 1909

    Déi éischt giel-blo Trikoten

    Ouschteren 1909 spillt d’Ekipp fir d’éischt a Giel a Blo, de Faarwe vum Club bis haut.

  3. 1921

    Éischte Championnat

    1921/22 spillt de FC Marisca säin éischten offizielle Championnat, an der 2. Divisioun.

  4. 1946

    Grënnung vun der Jugendsektioun

    1946 entsteet eng éischt Jugendekipp, déi awer eréischt méi spéit am Championnat matspillt.

  5. Terrain an der Gousselerstrooss

    Nom Krich spillt de Club erëm op engem Terrain an der Gousselerstrooss bei der „Kerzenbrücke“, deen den 17. November 1946 offiziell ageweit gëtt.

  6. Den Terrain am Grieswinkel

    D’Gemeng lount d’Wiss am „Grieswinkel“ am Zentrum vu Miersch als Terrain fir de Club. De Pachtvertrag trëtt den 11. Oktober 1947 a Kraaft.

  7. 1962

    Déi éischt Scolairen am Championnat

    Ënnert dem Trainer Roger Lorang spillt déi éischt Scolaires-Ekipp vum Club am Championnat 1962/63 mat.

  8. D’Gemeng keeft de Grieswinkel

    De Gemengerot stëmmt eestëmmeg fir de Kaf vum Terrain am Grieswinkel, deen de Club zënter 1947 notzt.

  9. 1969

    Déi éischt Flutliichtanlag

    D’Cegedel installéiert déi éischt Flutliichtanlag um Terrain. Si gëtt 1973 an 1985 ausgebaut.

  10. 1978

    D’Poussins kommen

    Vun 1978/79 u spillen déi Jéngst (7 bis 10 Joer) an der neier Kategorie vun de Poussins, mam Trainer Pierre Rodesch.

  11. 1979

    Franz Beckenbauer zu Miersch

    Op Invitatioun vum Netty Hilbert, Presidentin vum Supporterclub vum FC Marisca, besicht de Franz Beckenbauer Miersch.

  12. 1986

    D’Ouschtercoupen

    Zënter 1986 ginn all Joer op Ouschteren Coupesturnéieren organiséiert, zur Erënnerung un e verstuerwene Member vum Club; seng Famill stëft d’Coupen.

  13. 1989

    Aweiung vum Terrain Schlasspesch

    De Club weit säin neien Terrain an, de Schlasspesch, deen haut nach säin Haaptterrain ass.

  14. 2003

    Opstig an d’1. Divisioun

    Als Zweet vun der 2. Divisioun 2002/03 mam Spillertrainer Sidney Ferreira kënnt déi éischt Ekipp erëm an d’1. Divisioun.

  15. 2008

    Honnert Joer FC Marisca

    De Club feiert seng 100 Joer a publizéiert d’Buch „Hundert Jahre F.C. Marisca 1908-2008“.

  16. 2011

    Finall an der Coupe FLF

    De FC Marisca kënnt an d’Finall vun der Coupe FLF 2010/11, déi en 0:6 géint d’Jeunesse Junglinster verléiert.

  17. 2020

    Opstig an d’Éierepromotioun

    Als Éischten an der 1. Divisioun, wéi d’Saison 2019/20 wéinst dem Covid-19 ofgebrach gëtt, klëmmt déi éischt Ekipp an d’Éierepromotioun op.

  18. 2023

    Finall an der Coupe de Luxembourg

    Als Club aus der Éierepromotioun werft de FC Marisca mat Wolz a Munneref zwee Veräiner aus der BGL Ligue eraus, ier en d’Finall 2:4 géint de FC Déifferdeng 03 verléiert.

  19. 2023

    Éischt Saison an der Nationaldivisioun

    Als Zweeten an der Éierepromotioun 2022/23 spillt de Club 2023/24 fir d’éischt a senger Geschicht an der héchster Divisioun, der BGL Ligue.

D’Presidenten

Presidente vum Club zënter 1945. Joren mat ~ si just ongeféier.

  1. Ben (Bernard) Rolling ~1945 – ~1958
  2. Raymond Steichen ~1958
  3. Roger Steines ~1958 – ~1959
  4. Marcel Calteux 1959 – 1964
  5. Camille Hellinck 1964 – ~1970
  6. René Wahl ~1970 – ~1974
  7. Félix Gillen ~1974 – ~1977
  8. Guy Ewert ~1977 – 1990
  9. Albert Fellens 1990 – 1993
  10. Guy Ewert 1993 – ~1997
  11. Willy (Guillaume) Laugs ~1997 – 2003
  12. Alex (Lex) Kremer 2003 – ~2016
  13. Romain Beringer ~2016 – ~2020
  14. Marc Kill ~2020 – ~2025
  15. Marc Bettendorff zënter 2025 aktuelle President

Retro-Galerie

Ekippe vum FC Marisca vun der Nokrichszäit bis an d’2000er Joren.

D’Erënnerungscoupen

All Joer erënnert eng Coupe vum FC Marisca un e verstuerwene Member vum Club. Hei sinn d’Säite vun de Broschüren, déi fir dës Turnéieren erauskomm sinn.

Statistiken: all Saisonen, Coupen a Rekorder →

Quellen

  • Saisone vun der éischter Ekipp a Coupesmatcher zënter 1921: fussball-lux.lu.
  • Klassementer vun de Saisonen 2021/22 bis 2025/26: Extranet vun der FLF.
  • Wichteg Datumen a Presidenten: d’Buch „Hundert Jahre F.C. Marisca 1908-2008“.

E Feeler, eng Foto oder en Dokument? Schreift eis. info@fcmarisca.lu